CONTOH SUSUNAN ACARA PADA PEMILIHAN PANITIA LOMBA OSN,O2SN,DAN FLS2N DALAM BAHASA SUNDA

Tugas Basa Sunda "Panata Acara"

ACARA RAPAT DINAS

(Pamilihan panitia lomba OSN,O2SN sareng FLS2N)

Assalamu’alaikum Wr.Wb

Alhamdulillahirobbil’alamin wabihi nasta’inu ‘alaumuridunya waddin wa’ala alihi washobihi ajma’in amma ba’du.

Pangluhung kalbu kajembaran manah puji anu janten panghias ati puja anu jadi panghias rasa sukur anu jadi panghias kalbu, puji urang sanggakeun kanu maha suci Allah rabbul izzati puja urang sanggakeun kanu maha kawasa Allah ajawajala dimana nitih wanci nu mustari ninggang mangsa lugina takdir teu tiasa dipungkir qadar teu tiasa disinglar. Salajengna teu kaselap-selap dina ati teu kaselap-selap dina rasa teu kakebu-kebu dina kalbu nyaéta rahmat sareng salam kawilujengkeun mugia tetep ka jungjungan urang sadaya nyaéta Nabi Muhammad SAW.

Bapa miwah ibu anu kusimkuring dipikahormat ngahaturkeun nuhun, rénging bapa miwah ibu parantos sumping nyumponan panguleman “pamilihan panitia lomba osn , o2sn, sareng fls2n”. Mugia ieu kasaéan bapa miwah ibu téh diwales ku Allah SWT, ku kasaéan deui nu manglipet-lipet aamiin.

Dina leresan ieu susunan acara “pamilihan panitia lomba osn,o2sn,sareng fls2n” nu badé diselenggarakeun:

Kahiji, Bubuka

Kadua, deudeuh kareueus

Katilu, sosialisasi

Kaopat, patarosan / kamandang

Kalima, kacindekan

Kagenep, do’a/panutup

Supados henteu nyangkolong kana waktos, sumangga acara kahiji badé dikawitan nyaéta bubuka. Mangga sasarengan maos basmallah, Bismillahirrahmanirrahim...

Salajengna acara kadua, sambutan. Kapihatur anu dipihormat kersana Bapa Kepala Dinas Pendidikan, sumangga waktos sareng tempat tos disayogikeun....

Hatur nuhun ka kersana bapa kepala dinas anu parantos masihan wejangannana.

Bapa miwah ibu anu ku simkuring dipihormat acara anu katilu dilajengkeun kana acara inti nyaéta  pamilihan panitia osn,o2sn,fls2n, sumangga ka kersana bapa sekdis kanggé mingpin acarana...

Hatur nuhun ka kersana bapa sékdis anu parantos mingpin acara pamilihan panitia osn,o2sn,fls2n.

Acara kaopat, sési tanya jawab bilih aya patarosan mangga.....

Acara nu kalima, kasimpulan.Dina ieu acara kasimpulan nu tiasa dicandak nyaéta......

Bapa miwah ibu anu ku simkuring dipihormat acara kagenep , do’a/panutup. Sumangga ka kersana bapa kasi Agama kangge mingpin do’a....

Hatur nuhun ka bapa kasi nu parantos mingpin do’a pamugi sadayana ditangtayungan ku Allah SWT. Aamiin...

Alhamdulillahirrabilalamin acara sadayana parantos réngsé tos ngahasilkeun sababaraha kaputusan penting. Mudah-mudahan sadayana mangpaat sareng tiasa ku urang dilaksanakeun kalayan lancar. Aamiin...

Sakitu nu kapihatur,hapunten bilih aya kalepatan.

Wabillahitaufik walhidayah Wassalamu’alaikum Wr.Wb