CONTOH PUPUH NGEUNAAN SITU BAGENDIT

SITU  BAGENDIT

Pupuh Sinom

Di Garut nu katelahna,aya titinggal Nyi Endit, sakabéh urang priangan, apal Nyi Endit nu pelit, tara méré nu miskin,nya teu boga sipat tulung, kahadé ka barudak,ahlaq Nyi Endit baheula,ulah diturut ké aya akibatna.

Nyi Endit randa nu beunghar, sok maké emas liontin, jeung ngarasa panggeulisna, kénca katuhu diali, gawéna ngitung duit, sugan wé beuki ngagunung,da hirupna sarakah,méré ka jalma gé lebar,nya hirupna ogé moal matak berkah.

Sok waas leungit hartana,da sieun manéhna miskin,bisi susah kahareupna, jeung bisi aya nu maling,kabéh diapik-apik,rék dahareun nepi baju,bajuna loba pisan,nyaah lamun dibikeunan,dasar randa meni bébéakan pisan.

Pupuh Maskumambang

          Nyi Endit hirupna éstuning nunggeulis, beungharna tétéla, imah panggedena deui, miboga kebon jeung sawah.

          Boh kebonna boh sawahna henteu hiji,éta dilemburna,sangkan hayang jadi ciri, ciri Nyi Endit nu boga.

          Usum panén maréntahkeun jalma leutik, migawean sawah,diburuhan sok saeutik, teu saimbang jeung gawéna.

          Geus panén dititah ka imah Nyi Endit, méré saayana, hég loba dina lomari, éta bangsa dahareunna.

          Hiji poe datang aki ka Nyi Endit, aki kalaparan, teu digugu ku Nyi Endit, asa watir ngadanguna.

Pupuh Pucung

          Aki téh katingal salirana kuru, tingkoloyong leumpang,batur téh ngantepkeun wae,Aki katempo sedih loba kasusah.

          Si aki teh ngan saukur menta sangu, henteu barang pénta, komo mun ménta duit téh, ku Nyi Endit tungtungna teu dicumponan.

          Nyi Endit ngabedega bari tutunjuk,dina panto imah,pok teh ngagorowok sebel,” Naon ménta sangu? Ulah barangpénta”.

          Nyi Endit teh ngusir bari nyuntrungkeun, nepi ka buruan, nyuntrungkeunnana ti émpér, atuh si aki teu bisa kukumaha.

Tuluy indit ku tukang kebon ditungtun,haténa pohara, nyeri lamun didéngé téh, éta ngusir asa popohoan pisan.

Pupuh Kinanti

          Si aki élmuna luhung, tuluy ceub nanceubkeun awi, aki téh teuing kamana, dicabut kaluar cai, ku Nyi Endit dicabutna, teu apal-apal rek bijil.

          Éta cai beuki pinuh,pohara reuwasna Nyai,manéhna gogorowokan,nitah nyocok liang cai,si cai lain ngorotan, tapi kalah ngeueuman Nyai.

          Jejeritan ménta tulung,pek euweuh jalma nu sudi,sudi mantuan manéhna, kabéh mupuas Nyai Endit,nepi éta kakeueumna,jadi wé Situ Bagendit.

Didamelan ku kel.1:

·         Betty Nur Sempurna

·         Ervan Satya Pratama

·         Lutfi Azzam M

·         Rachma Verina Rochim

·         Senny Meilia Yasinta

·         Sintha Garnissa A